Propostaensaia × Miraveo · A Coruña

A Verbegalade ensaia/2026

Unha gala verbeneira.

Mantemos o que importa —o recoñecemento, os discursos, a Bolsa ensaia— e collemos das verbenas o que mellor fan: xuntar a comunidade, sentar á mesa e celebrar sen présas.

ensaia. Unha proposta da comisión de festas de ensaia
Lettering «A Verbe Gala» en azul, con tres pingas bailando
a mesma emoción,
menos nervios
pinga a pinga,
somos choiva
baixa á festa
01

02Por que cambiar

Somos xentepróxima.

Cada ano a gala de ensaia en Miraveo pon en valor ás oito persoas finalistas e entrega a Bolsa ensaia de 10.000 €, financiada pinga a pinga. Pero o formato foise volvendo moi cerimonioso, e iso non se parece a nós.

Finalistas con nervios

O escenario e a solemnidade pesan. Queremos que a súa noite se viva como unha celebración, non como un exame.

Demasiado protocolo

Moitos discursos seguidos e un público sentado en filas que mira, pero que case non participa nin conversa.

Pouco tempo para falar

A comunidade de ensaia vén para coñecerse. A gala é a noite do ano en que máis xente se xunta, e queremos aproveitala.

02

03O concepto

Nin gala, nin festa:verbegala.

En Galicia, a verbena é a forma máis nosa de xuntar a comunidade: música, mesas longas, comida popular, a orquestra e unha comisión de festas que o organiza todo. A Verbegala é un híbrido: sobria e chea de valor coma unha gala, próxima e relaxada coma unha verbena.

o que gardamos

Gala

  • Os discursos
  • A entrega da Bolsa ensaia
  • O recoñecemento ás finalistas
  • A emoción e o coidado

o que traemos

Verbena

  • A mesa longa e a conversa
  • Música, foliada e baile
  • O cartel e o programa de festas
  • A comisión de festas

o resultado

Verbegala

  • Unha noite con ritmo
  • Menos presión, máis comunidade
  • Unha cita á que apetece volver
  • Moi ensaia: xenerosa, en común
A nubeo equipo de ensaia, que traballa para que chova
As pingasas persoas doantes que sosteñen a bolsa
As sementesfinalistas, bolseiras e mocidade
O micelioa rede que as conecta
O bosqueo futuro de Galicia

…e a verbegala é o día en que todo o bosque se xunta no torreiro.

03

04Obxectivos

O quebuscamos.

Seis metas sinxelas que guían cada idea da proposta.

01

Máis dinámica

Unha gala con ritmo, momentos variados e sen tempos mortos.

02

Menos presión

Que as persoas finalistas desfruten da súa noite en vez de padecela.

03

Máis conversa

Espazos e tempos pensados para coñecerse e falar.

04

Máis ensaia

Un concepto próximo, xeneroso e en común, coma nós.

05

Ganas de volver

Que a verbegala se converta na cita á que ninguén quere faltar cada ano.

06

Menos discursos nosos

Que ensaia fale menos e deixe máis espazo ás finalistas e á comunidade.

04

05O importante

O que nonperdemos.

Cambia a forma, non o fondo. A verbegala segue sendo o acto máis importante do ano para ensaia.

un

Os discursos

Seguen tendo o seu momento, coidado e en silencio. Só máis curtos e mellor colocados na noite.

dous

O valor da gala

O recoñecemento ás oito persoas finalistas e a entrega da Bolsa ensaia seguen no centro.

tres

Non é unha festa

É unha verbegala: unha gala verbeneira. Sobria cando toca, festeira cando apetece.

Non é unha festa…é unha gala verbeneira!

05

06As ideas

As ideas,unha a unha.

Cada tarxeta é unha idea con como facela barata, o seu custo aproximado e a fase. Preme «Gústame» nas que vos convenzan: quedan gardadas neste navegador e ao final podedes enviárnolas.

06

07O espazo

Miraveo,en festas.

A sala de Miraveo na Coruña xa ten un escenario que mira ao centro. Só hai que vestila de torreiro: luces, lazos, paraugas, mesas longas e unha alfombra azul.

Escenario de Miraveo con lazos azuis e brancos e luces que van cara ao centro
a referenciaLazos e luces cara ao centro do escenario: o punto de partida (idea 03).
Simulación: sala escura con paraugas do revés, lazos azuis e lila, luces, dúas mesas longas e unha alfombra azul ata o escenario 1 2 3 4
así podería quedarSimulación de ambiente xerada como referencia. Non é unha foto real da sala.
1Luces e lazosdo perímetro ao centro do escenario.
2Paraugas do revésa nube de ensaia no teito.
3Mesas longasen vez de filas de butacas.
4Alfombra azulda entrada ao torreiro.

As instalacións no teito dependen dos puntos de ancoraxe e das normas da sala: hai que validalas con Miraveo.

07

08Propostas gráficas

Como severía.

Primeiras imaxes de ambiente para imaxinar a verbegala. Son referencias de traballo, non deseños finais.

08

09O cartel

Vémonos notorreiro.

Un cartel de festas de toda a vida —«Grandes festas en honra a…», «Actuarán…», «Organiza a comisión»— reescrito en clave ensaia: a nube, as pingas, as sementes e o micelio, en azuis e con moito aire.

Esta é unha primeira proposta de dirección. Data, hora e programa definitivo engádense cando estean confirmados.

E veña festa!

09

10O programa-panfleto

O programade festas.

Toda a información nun tríptico coma os das verbenas. Debaixo, unha proposta de orde da noite: os tempos son orientativos e están para debatelos.

Programa oficial · 2026

A Verbegalade ensaia

unha gala verbeneira

Torreiro de Miraveo · A Coruña
Data e hora: por confirmar

Orde da festa · I

  1. Chegada
    Alfombra azulRecepción da comisión de festas, photocall e programa.
  2. Pregón
    Pingo abre a festaBenvida breve de ensaia (curta, prometido).
  3. Sementes
    As oito finalistasPresentación en formato conversa, desde a mesa ou o torreiro.
  4. Bingo
    Bingo á Feira · 1.ª roldaCoa palmeira azul. Premios: arte de finalistas doutras edicións.

Orde da festa · II

  1. Pregón II
    Directorio Creativo de GaliciaPresentación breve e visual.
  2. Actuacións
    Candidaturas doutras ediciónsPezas curtas de 3–5 minutos.
  3. O momento
    Discursos e entrega da Bolsa ensaiaSilencio, emoción e 10.000 € pinga a pinga.
  4. Remate
    Foliada finalE veña festa!

Organiza: a comisión de festas de ensaia. Grazas a todas as pingas.

10

11Por fases

Pinga a pinga,sen présa.

Case sen orzamento, así que imos por fases: primeiro o que non custa nada e máis se nota; despois o que podemos conseguir prestado ou doado; ao final, o que depende da sala ou dun apoio extra.

Escolledes as ideas que vos gustan nesta páxina e nolas enviades.
Validamos con Miraveo espazo, mobiliario e puntos de ancoraxe.
Concretamos guión, escaleta e quen fai que na comisión de festas.
Deseñamos cartel e programa definitivos e… e veña festa!

Os niveis de custo son orientativos (sen custo · baixo · medio) e non inclúen prezos: concretaranse con orzamentos reais.

11

12A vosa escolla

0

ideas marcadas con «Gústame».

Enviar por correo